من هو صديق هذا الاسبوع???????

ما سنك وهواياتك وبرجك وهل تصدقين الابراج؟

1_عندى 18 سنه و28 يوم

2_ التقليد والتمثيل (مع ايقاف التنفيذ) وشويه القراءه
3_ برجى الاسد...... واه بصدق فى الابراج بس اللى هو الصفات البرج كذا كده انما مش اللى هو حظ اليوم والكلام ده والتوافق وكده لالالا انما الصفات بقتنع شويه بيها

عايزة اسالك اية رايك فى الرجالة وبكل صراحة

.......بصى انا هقول بصراحه ومن الاخر انا بشوف مبقاش فيه ولد ممكن البنت تثق فيه 100% معرفش انا بحس ان صفه الرجوله بقت نادره جدا لان الراجل ده لازم يكون فيه صفات كتير اوى مبقتش موجوده دلوقتى وبقى صعب انك تثقى فيهم او فى كلامهم طبعا فيه كوس وده قليل وفيه كتيييييييييير مش كويسين وصفه الجدعنه قربت تختفى

الحقيه انا مش عارفه هو العيب من الولاد انهم بقوا يشوفوا كل البنات زى بعض وانهم يلعبوا بيهم ولاالعيب من البنات لان فيه بنات برده بتلعب بالولاد فهما شافوا البنات كلها كده

من الاخر لان الموضوع ده ملوش نهايه .....العيب من البنات واللى بقى يعملوه ويقولوا عليه تفتح واحنا اللى بنتظلم معاهم وبرده من الولاد اللى بقوا شيفين البنات لعبه يلعبوا بيها

حرام عليكى يا هبه انتى ونيو :

سؤالك عنصرى اوى با هبه واجبتك فيها نوع من العنصريه يا نيو انا ههههههههههه عن نفسى بقول ان فى ولاد كتيير مش كويسين وفى بنات كتيييير مش كويسين وومتهيالى انكوه عرفين ان البنات مهظمهم عليهم خبث ملوش اول من اخر

طيب هو انا قولت ايه غير كده ماانا قولت زى مافى ولاد مش كويسين فى بنات مش كويسين يعنى براءه من العنصريه ديه

انا بهزر يا نيو ههههههههه

انتى ختيها جد ليه

ما هى ايه درستك وهل تحبيها ؟

وما يمثل لكى الصديق والحبيب؟

انا كمان بهزر ههههههه

- انا ياسدى داخله بدرس فى كليه سياحه وفنلدق داخله تانيه ان شاء الله ....والحمد لله انا دخله الكليه للى انا عايزاها مش اللى المجموع اخترهالى ومش عايزه اقوللك ان مكنش فى حد مشجعنى خالص ع دخول الكليه دى ولكن انا صممت ودخلتها الحمد لله
- (الصديق)شى نادر صعب اننا نلقيه دلوقتى وتقدر تقول ليه اصحاب كتيررررررررررررر اوىانما اصدقاء بجد ولا واحده وبجد يابخت اللى ليه صديق بجد
-(الحبيب) بقى انواع دلوقتى المزيف فيه كتير والاصلى اقرب ينقرض وبالنسبه ليه هو شخص لسه القدر مسمحليش انى اقابله او القيه
.......وشكرا اوى ع الاسئله الجامده لدرجه انى مش عارفه اجوب عليها

اوك يا نيو بما انك لسه فى اول اسبوعك هنديكى الحق انك تسالى اى عضو

وكا نوع من انواع كسر الروتيين فى اللعبه -

ههههههههههه شكر ياسيدى انتا عرفت منين انى بحب اكسر الروتين

المهم.....بس اسمحلى اسال سوالين وهما ليك ياحمد
1_نفس السوال اللى سالتهولى انتا بتدرس ايه وداخلها بمزاجك وله
2_ ايه رايك فى موضوع ان البنت بتكلم ولاد ع النت يعنى ده فى نظرك صح ولاغلط اوفى الجامعه يعنى وهو صحيح اللولاد ليه بيحبوا ان البنت تاكل بعقلهم حلوه ومتكنش صريحه بالمعنى الصح بجد عشان الموضوع ده مهم اوى ليه ومشكلتى بجد

اولا احب اشكرك وطبعا بشكر هبه اليه وحشتنا وغيبه عننا وبيكو اليه وحشنى جدااا

انا يا ستى فى كليه تربيه موسيقيه فى الزمالك جامعه حلوان انا اتحديت العالم كله عشان ادخل الكليه دى مع انى جايب اكتر ما هى بتاخود بكتييير

اما حوار البنات ده فا انا مقتنع تمام بدام ان البنت محترمه وبتتكلم بكل ادب وبتعبر عن اليه جواها فا ده شئ ميزعلش حد ابدا وصوبعك مش زى بعضها مش كل الولاد اغبيه للدرجادى

انا مش شسايف اى مشكله ان البنت تكلم ولد فى الكليه عادى ده فى حدود الزماله

يعنى ده شئ مش وحش يا نيو لكن انا اليه ينرفزنى البنت اليه مش محترمه اليه مرتبطه بواحد وتروح تكلم ولاد على الميل وعلى الشات وتحب فى شباب الجمامعه وكده يعنى .

بشكرك على الاسئله المشوقه دى يا نيو ويارب هبه تكون متبعانه فى الحوار ده هى وبيكو

فعلا هبه مختفيه وبيكو مش عارفه مستخبى فين اليومين دول يارب يظهر عشان تخليه يااحمد يقعد ه كرسى الاعتراف الاسبوع اللى جاى

هههههههههههههههههههه اولا ده مش كورسى اعتراف ثانين انتى المفروض تسالى اى عضو

ثالثا انا مينفعش انزل صديق اسبوع تانى

بتهيلى كده اسبوعى خلص ياله يااحمد اختار وياريت تختار بيكو اومنى بس هما يجووووا بس

اوك صديق الاسبوع بيكوووووووووو

ليه كده يا احمد ده انا غلباااااااااااااان
ع العموم انامزاكر كويس ومراجع الاسئلة المتوقعة حلو

طيب كويس يا صحبى وانا هسالك اساله انت حتى لو مش مزاكر هتعرف ترد عليها كويس

اسمك وسنك وبرجك وهل تؤمن بالابراج ؟

شوفت انا حلو ازاى

متهيالى دى الاسله الوحيده اليه مستحيل تغلط فيها ههههههههههههه

اوك وسوالى ايه اكتر موقف محرج حصللك فى حياتك ووبتدرس ايه بس

لا فعلا اسئلة سهلة يا احمد ..ناقص تقولى اسمك وسنك وعنوانك ورقم بطاقتك وبتشتغل ايه؟؟
هههههههههههههههه
نبدأ الحل بسؤال احمد
اسمى محمد وسنى 19 سنة وبرجى(الدلو) ومحدش يضحك
اما بالنسبة للابراج فانا مش مقتنع بيها اوى بس بحب اعرف الصفات العامةللبرج مش اكتر لان بيتهيالى بيبقى فيها حاجات صح
لكن مش بؤمن بيها
اما بقى بالنسبة لسؤال نجمة
اكتر موقف محرج حصلى...اه افتكرت
مرة وانا فى ثانوى كنت ماشى مع اصحابى ورايحين المدرسة الصبح الكلام ده طبعا كان فى اول اسبوع فى اولى ثانوى وكان فى كلب قاعد ع الارض وطبعا اصحابى عارفين ان انا مش بحب الكلاب راح واحد منهم زقنى ع الكلب وعينك ماتشوف الا النور
اما بالنسبة للدراسة فانا والحمدلله فى تانية تجارة خارجية جامعة حلوان
انا عارف انى طولت عليكوا بس نجمة هى السبب طبعا انا كده اتفضحت ع النت والحمدلله

انا جيت معلش ياجماعة غبت عنكوا علشان ظروف غصبن عنى
وبما ان الاسئلة لبيكو طبعا الواحد مش هايفوتها الفرصة دة
قولى يابيكو انت بتحب واية رايك فى الحب يالا رد بسرعة

اولا وحشتينا يا هبة ويارب ماتغيبيش عننا تانى
ثانيا بالنسبة للحب انا ا ه فى حالة حب
ثالثا انا شايف ان الحب حاجة جميلة ومن غيرها يبثى الحياة مالهاش طعم
بس لازميكون صادق طبعا وده قليل طبعا

شكرا يابيكو على اجاباتك
اسالك سؤال تانى اية اكتر جرح حسيت بية فى حياتك

وحشتينا كلنا يا هبه وحمدلله على السلامه واسالتك جميله وطبعا ده شئ متعودين عليه وكل سنه وانتى طيبه

وكلكم طيبين يا شباب وتحيه خاصه لبيكو ونيو وهيما اليه انضم من جديد وطبعا هبه

سوالى بقى اول مره حبيت فيها يا بيكو كان عندك كام سنه وهل تعتقد ان حالت حبك الحاليا هتكون حبك الاخير ولا ممكن يكون فى حلات حب تنيه

لا شكر ع واجب يا هبة
وانت طيب يا احمد وعيد سعيد عليكم جميعا
بالنسبة لسؤال هبة
انا مش فاهم قصدك بالظبط يعنى جرح عاطفى ولا جرح عام
عالعموم بالنسبة للعاطفى الحمدلله ماحصلش اما الجرح العام فكان لما مااتقبلتش قى الكلية الحربية
لان انا كانت امنية حياتى انى ابقى من رجال القوات المسلحة بس مافيش نصيب

اما بالنسبة لاحمد
اول مرة حبيت فيها كانت فى 3 اعدادى وكان حب من طرف واحد لانى ما صرحتش بالحب ده
بالنسبة للسؤال التانى
فانا بتمنى انه يكون الحب المستمر والاخير ان شاء الله وماحدش عارف بكرة هيحصل ايه....؟؟
وشكرا ليكوا جميعا للاسئلة الجميلة دى واللى انا ماكنتش متوقعها

شكرا ليك يابيكو على اجاباتك
عايزة اسالك لية فى رايك الست لما بتحب بتحببكل احساسها لكن الراجل اما بيحب بيحب بحطة بث من قلبة وماتقواش ان الكلام دة مكش صحيح لانة الست فعلا اما بتحب بتحب بجد لكن الراجل عندة اولويات تانية زى الشغل مثلا