امتحان انما ايه ههههههه ادخل وانت تشوف

بسم الله الرحمن الرحيم

ده الامتحان اليومين دول هو سهل جداااااااااااااا وياريت كل واحد يشوف هيقدر على حل اسئلته ولا لا ؟

السؤال الأول: التعبير

اكتب ما لايقل عن 650 سطر فى أحد الموضوعات التالية:

* لم يجد الطفل غير الشارع ملجأ نظراً لحالة البلد الهباب .. فاتجه إلى السرقة والقتل والحشيش.. حتى نال جزاءه وقبض عليه متلبساً بباكتة بانج و.. اكتب

قصته مع تسليم الحرز للباشا مراقب اللجنة

* شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا " باشتغل فى حديد عز"

* بعد انتشار ظاهرة أكل لحم الكلاب والحمير..من وجهة نظر حمار تكلم عن هذه الظاهرة ومن المتسبب فيها بدون غلط..الورق متراقب

ــــــــــــــــــــــــــــــــــــــــــــــــــ ـــــــ

السؤال الثانى: القصة

من قصة " وعهد الله ما انت داخل الانتخابات" .. اقرأ القطعة وأجب عن الآتى:
"ثم أتى إليه وضربه بالجزمة وقال: انت عايز تترشح فى الانتخابات ياض؟؟ دانت عايز معجزة..مش كفاية بتاكلوا لحمة ومستورين .. عايزين إيه تانى؟ "

من خلال خيالك المريض عرف ما هى اللحمة؟ أو على الأقل حدد أقرب معنى لها

مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

لماذ ضربه الرجل بالجزمة وليس بالعصى مثلا؟؟
(أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان الخشب غالى اليومين دول) اختر

حلل بمزيد من التفصيل جملة "ضربه بالجزمة" ومدى توافقها مع جملة "مصر بتتقدم بينا"

ــــــــــــــــــــــــــــــــــــــــــــــــــ ــــــــــ

السؤال الثالث القراءة

من موضوع ( الزعيم..والفنان.. والقدوة) اقرأ القطعة وأجب
"وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة"

فى رأيك هل يصلح عادل إمام لوزارة الثقافة أم لوزارة الصناعة باعتبار أن أفلامه كلها تهتم بالثقافة على حساب الصناعة

ذكرنا فى الدرس أن عادل إمام سيتقاضى فى فيلمه القادم 12 مليون جنيه .. فى رأيك ياعم المحروم تليفونه خط ولا كارت

من خلال معرفتك للفنان القدوة وتاريخه الثقافي الحافل .. أجب على أن تضع إيدك على المصحف وانت بتحلف للمراقب بتاع اللجنة .. وقول والله العظيم عادل إمام فنان قدوة ومحترم ومثقف

ــــــــــــــــــــــــــــــــــــــــــــــــــ ــــــــــــ

السؤال الرابع النصوص

أجب عن أحد النصين الآتيين:
من نص ( ماشربتش من نيلها)..اقرأ ثم أجب
"ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها"

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

( المسيسبى - الأمازون – يونج يانج)

هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق مع القول المأثور "اطبخى ياجارية .. الأنبوبة فاضية يا سيدي"

ــــــــــــــــــــــــــــــــــــــــــــــــــ ـــــــ

السؤال الخامس النحو

أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا

كان ممدوح إسماعيل قاتلا .. ضع إن مكان كان.. على ألا تنصب ممدوح .. عشان هوه بينصب لوحده

فُرِضت الضرائب علينا ببشاعة ..أعرب الجملة .. وارفع الضرائب أبوس إيدك

ــــــــــــــــــــــــــــــــــــــــــــــ

السؤال السادس الخط

كوز المحبة انخرم .. طرطش على كمى .. ياحبيبى بطل جفا وارحم عذاب امى
اكتب الجملة السابقة ثلاث مرات بثلاث خطوط .. موبينيل وفودافون واتصالات .. كما يمكن التحويل من خط لخط بنفس الرقم .. فقط اتصل بخدمة العملاء

وبالتوفيق فى الامتحان وان شاء الله الحصول على الدرجات النهائية

ههههههههههههههه
بصراحه امتحان جمييييييييل جدا
تسلم ايديكى

تسلمى حبيبتى المهم انك عرفتى تجاوبى عليه

هههههههههههههه
اكيد طبعا

برافو عليكى امتياز مع لحاف الشرف

ممكن اسال الامتحان ده اجبارى ولا اختيارى
لقد عينتك مديرا لامتحانات الثانوية العامة
ولما تبقى مديرة بياريت تعينيى اى حاجة ولو حتى تشغلينى فى حديد عز عشان مبقاش كداب لما اقول بشتغل فى حديد عز

عايز ياطماع تشتغل فى حديد عز مرة واحدة وعموما دى بسيطة ويتمنوا

ربنا يخليكى ع ذوقك...بلاها حديد عز ممكن حديد احمد حديد محمد كده يعنى او ابعدى عو الحديد خالص خليكى فى الاقلام االموظفين هيحتاجوها دلوقتى فى عملية قبض ال30% الزياده

انت هتقر على الغلابة بتوع ال30 % لا قر احسن على عمو عز

ههههههههههههه
حلوة عمو عز دى
اللهم اعنا عليه وعلى اللى زيه

وبعدين هو عمو عز _مقتبسة من ايمان_ده لسه فيه الاخ سويرس والباشا رشيد .............الخ

هما دول بس هات كل اللى عندك ومتخفش الرقابة هتحذف الخارج

هههههههههههههههههههههه
انا خايف المراقب يقول ان احنا بتغش ولا حاجة
وبعدين احنا كده خرجنا بره موضوع الامتحان

اه خلاص ماشى وعموما الجبن سيد الاخلاق

لااااااااااااااااااااااا
انا مسمحلكيش ده مش جبـــــــــــــــــن
ده لنشون ....بانيه كده يعنى

اه معلش اصل فهمت وجهك نظرك غلط

عايزين امتحان رياضة حلوة او شوفى الماده اللى عليها الدور فى الجدول

شكرا علي الموضوع الأكتر من رائع
مشاهدة مباراة الأهلي و الزمالك 31-12-2010 , شاهد ماتش الأهلي و الزمالك الدوري المصري 31/12/2010 , شاهد مباراة الأهلي و الزمالك 31-12-2010 بث مباشر , بث مباشر ماتش الأهلي و الزمالك , أتفرج علي ماتش الأهلي و الزمالك , مشاهدة بث مباشر لماتش الأهلي و الزمالك

يسلموا

شكرا موضوع فعلا جامد
تسلم يا باشا

» فيلم هندى انما اييييييييييييييييييييييييييه ؟ ادخل واتفرج
» ياترى لماذا يرسب الطالب فى الامتحان ؟ ادخل وانت تعرف
» تعليقات على امتحان الثانوية العامة2008
» واحد بيغازل حبيته انما اييييييييه ؟؟؟؟؟؟؟؟؟؟؟
» اختبار يعرفك على شي تحبه وانت ماتدري؟؟؟؟؟